Aanwysings na Paarl Kantore
Ons kantore in die Paarl is in die Standard Bank gebou in Lady Greystraat. Die adres is Lady Greystraat 45, maar die ingang na die gebou is in 'n stegie tussen Lady Greystraat en Newstraat, dit is meer gerieflik om 'agter' die gebou te parkeer aan die Newstraat kant. Die aanwysings hieronder verduidelik hoe om by die parkeerterrein en die gebou uit te kom. Die padkaarte kan in 'n aparte venster oopgemaak word.
» Paarl Kantoor Aanwysings - Padkaarte
[Kliek op die pyltjies op die kaarte om meer detail te sien]
Van Kaapstad, Worcester (N1):
1.	Van die N1 draai af op die R45, dit word Hoofstraat in die Paarl. Ry noordwaarts (Paarlberg is aan jou linkerkant) verby KWV, die Strooidakkerk tot by die Toringkerk aan die regterkant van die pad. Die afstand van die N1 na die Toringkerk is net minder as 5km.
2.	Ry stadig as jy die Toringkerk sien; net na die kerk moet jy regs draai, moenie verby ry nie, want dan beland jy in Lady Greystraat - en dan moet jy omdraai en terug ry.
3.	Hierdie pad draai weer links, volg dit verby Economic Shoes en DeLuga's Deli - aan die regterkant is 'n groot parkeerterrein. Jy kan hier parkeer.
4.	Die pad draai regs en die Standard Bank gebou is aan die linkerkant - regoor die Virgin Active Gym.
5.	Aan die linkerkant van die Standard Bank gebou is 'n stegie wat deurloop na Lady Greystraat, bokant die ingang van die stegie hang 'n groot Spur banier. Die ingang na die Standard Bank gebou is in die stegie; GrainCo se kantore is op die 3de Vloer, daar is 'n interkom by die deur om ons te skakel.
Van Malmesbury, Wellington, ens:
1.	Ry in die R45 suidwaarts, dit word Hoofstraat in die Paarl (Paarlberg is aan jou regterkant), tot by die robot by die T-aansluiting met Lady Greystraat (Total Sports is reg oorkant). Van die R44 (die pad van Wellington na Stellenbosch) is dit ongeveer 9km tot by die Lady Greystraat robot.
2.	Draai regs en dan weer links in Hoofstraat (ja, dit is steeds Hoofstraat, net 'n kort onderbreking).
3.	'n Kort entjie verder is die Toringkerk aan die linkerkant van die pad; net voor die Toringkerk is 'n pad links, draai hier af.
4.	Hierdie pad draai weer links, volg dit verby Economic Shoes en DeLuga's Deli - aan die regterkant is 'n groot parkeerterrein. Jy kan hier parkeer.
5.	Die pad draai regs en die Standard Bank gebou is aan die linkerkant - regoor die Virgin Active Gym.
6.	Aan die linkerkant van die Standard Bank gebou is 'n stegie wat deurloop na Lady Greystraat, bokant die ingang van die stegie hang 'n groot Spur banier. Die ingang na die Standard Bank gebou is in die stegie; GrainCo se kantore is op die 3de Vloer, daar is 'n interkom by die deur om ons te skakel.