BKB Logistiek

In die bestuursproses om kommoditeite te voorsien, vervoer GrainCo honderde duisende tonne graan. GrainCo het ‘n doeltreffende en lojale netwerk diensverskaffers wat ons graan vervoer. Hierdie diensverskaffers is ‘n belangrike vennoot in die proses om waarde toe te voeg vir ons kliënte.

Dit is bekend dat kleiner vervoerkontrakteurs – die wat een tot drie vragmotors besit – nie die nodige infrastruktuur het om GrainCo se groter kontrakte te ondersteun nie. BKB Logistiek, ‘n afdeling van GrainCo, se doel is om die kleiner vervoerkontrakteurs saam te groepeer onder die vaandel van BKB Logistiek . BKB Logistiek bied aan die kleiner kontrakteur die geleentheid vir GrainCo om groter kontrakte namens hulle te onderhandel. Sodoende kan kleiner kontrakteurs toegang kry tot groter volume graankontrakte wat deur GrainCo aangebied word.

BKB Logistiek versterk GrainCo se strewe om aan ons kliënte uitmuntende logistieke diens aan te bied.